ILOILO CITY – Ginatun-an ni Iloilo city Police Office (ICPO) chief Insp. Jovie Espenido nga magdala sang kaugalingon nga tawo kasunod sang pagpungko bilang hepe sang kapulisan sa siyudad.
Sa interview sang Bombo Radyo Iloilo, ginpahayag ni Espenido nga ginatun-an pa sini kun pahanugutan sang PNP national headquarters nga magdala siya sang mga tinawo gikan sa Ozamiz City padulong sa Iloilo.
Apang ano man ang mangin desisyon sang Kampo Crame, iya respetuhon kag pasugtan man ukon indi, mangin tampad siya sa bag-o sini nga katungdanan.
Nagapati ini nga madamo man sang pulis sa Iloilo nga mahimo sini saligan sa pagtungod sang ila obligasyon ilabi na ang paglimpyo sa siyudad sang Iloilo sa iligal nga droga.
Samtang ginpanginwala naman ni Espenido nga iya ang account sa Facebook nga may pangalan niya kun sa diin naka-post ang laragway ni Iloilo City Mayor Jed Patrick Mabilog,
Sen. Franklin Drilon kag Iloilo City Rep. Jerry Trenas upod ang drug personality nga si Jesus Espinosa nga sa karon preso na.
Suno kay Espenido, madugay na siya nga wala makabukas sang Facebook.
