Gin-anunsyo sang Film Development Council of the Philippines (FDCP) nga maga-compete ang pelikula ni Lav Diaz nga “Essential Truths of the Lake” sa film festival sa Switzerland sa Agusto.
Ini amo ang prequel sa When The Waves Are Gone nga ginpaguwa naman sa Venice International Film Festival sang nagligad nga tuig.
Ang pelikula ang kabahin sang Concorso internazionale ukon ang main competition section sang 76th Locarno Film Festival nga balantayan halin sa Agusto 2-12.
Suno pa sa council, ini lamang ang nagaisahanon nga Southeast Asian film nga nakasulod sa main competition. Ang main competition sa amo nga festival amo ang section kun sa diin ginapakita ang “best forms” sang contemporary cinema converge sandig sa history kag tradition sang Locarno Film Festival.
Kilala man ini nga festival sa “most daring, avant-garde, irreverent, innovative forms of films” nga gin-sala sa ila nga wala na-cut kag wala na-censor nga mga bersyon.
Bida sa “Essential Truths of the Lake” sanday John Lloyd Cruz, Shaina Magdayao, Hazel Orencio, Bart Guingona, kag Agot Isidro.
Isa naman ka multi-awarded director si Diaz nga kilala sa iya mga obra-maestra nga “Ang Babaeng Humayo,” “Lahi, Hayop,” kag “Norte, Hangganan ng Kasaysayan.” #
