ILOILO CITY – Gilayon nga napalong sang Bureau of Fire Protection ang kalayo sa St. Jude Tadeos Building sa West Timawa, Molo, Iloilo City.
Ang establisimento ang ginapanag-iyahan ni Hernando Zerrudo.
Sa interview sang Bombo Radyo kay Sr Fire Officer 3 Jerry Gedoria, iya ginpahayag nga totally burned ang idalom nga bahin sang establisimento sa diin ini ang ginabaligyaan sang milk tea, kape kag iban pa.
Suno kay Gedoria, ang ibabaw nga bahin sang establisimento ang ginatiniran sang mga boarders.
Ginabanta nga P50,000 ang balor sang halit sang sunog.
Padayon naman ang imbestigasyon sang Bureau of Fire Protection sa kun ano ang ginhalinan sang sunog.
