Nagpagwa sang panibag-o nga paandam si United States President Donald Trump nga atubangon sang Iran ang mas mabaskog nga military response kun magbalos ini sa pinakabag-o nga pag-atake sang Amerika.
Kabahin ini sang statement nga gin-post sang presidente kadungan sang iya pagsiling nga nagpatigayon sila sang strike batok sa Iran malapit sa Strait of Hormuz.
“The United States is, as we speak, striking Iranian Targets near the Strait of Hormuz. The strikes are large and powerful,” post sang presidente.
Ginpahayag ni Trump nga gin-target sang U.S. ang mga radar system sa southwestern Iran nga gina-reconstruct ukon ginapabalik pa lang sa operasyon.
Suno pa sa presidente, ang pag-atake isa ka balos sa ginapatihan nga pagtuyo sang Iran nga magbutang sang sea mines ukon mga bomba sa Strait of Hormuz kag sa pagpalupad sang missile batok sa isa ka American military base sa Jordan.
Kun magbalos ang Iran suno kay Trump, iguon sila sa mas mataas nga lebel, kag kun matapos ang balos sang US, siguraduhon nila nga tuman na gid lang ka gamay ang mabilin sa Iran.
“If the failed nation of Iran retaliates for this very justified attack, they will be hit again at a much harder and higher level, but it will not be the biggest attack of them all, that is waiting in the wings and, when it is over, there will be very little left of the Islamic Republic of Iran,” suno kay Trump.
Gin-report naman sang Iranian state television nga lakip sa mga gin-atake sang U.S. ang isa ka fishmeal factory kag iban pa nga civilian targets sa Hormozgan province.
Ini ang una nga pagbinayloay sang pag-atake sang Amerika kag Iran sa sulod sang isa ka bulan.#
