ILOILO – Gin-athag ni Estancia, Iloilo Mayor Mary Lyn Mosqueda nga wala ini sang ideya sa rason sang sangguniang bayan member sang banwa kun ngaa masami nga ginabuhinan ukon wala gina-aprubahan ang budget nga iya gina-propose para sa mga pumuluyo.
Sa interview sang Bombo Radyo kay Mosqueda, iya ginpahayag nga humalin nga nagpungko ini bilang alkalde sang nasambit nga banwa, masami nga nagakatabo ang indi pag-apruba sang iya ginaduso nga budget nga nangin isa man ka rason agud magpasaka ini sang kaso batok sa mga opisyales.
Suno kay Mosqueda, isa na diri ang natabo sang 2023, sa diin nagpangayo ang Office of the Mayor sa Municipal Council sang P800,000 para sa educational assistance sang mga kabataan, apang P10,000 lamang ang ginhatag.
Ginpahayag man ni Mosqueda nga nag-request man ini sang isa ka unit sang ambulansya halin sa Korean government apang ang natigayon nga maaprubahan sang municipal council ang yara gihapon sa P10,000.
Apisar sang sunod-sunod nga pagbuhin sa budget, naghimo sang paagi si Mosqueda agud nga matigayon ang iya ginaduso nga mga proyekto sa diin,nagagasto ini sang kaugalingon nga sweldo agud matigayon ang iya proyekto.
