Estancia, Iloilo, nagapanguna nga banwa nga may madamo nga turista nga nag overnight stay sang 2020

Nagpanguna ang Estancia, Iloilo sa may pinakamadamo nga turista nga nag overnight stay sang 2020 base sa data sang Iloilo Provincial Tourism Office.

Samtang nagapanguna naman ang banwa sang Dumangas, Iloilo sa may madamo nga same-day visitors sa amo man nga tuig.

Sa interview sang Bombo Radyo kay Mr. Gilbert Bombette Marin, Provincial Tourism Officer, iya ginpahayag nga ang probinsya sang Iloilo amo ang ika-tatlo sa mga lugar sa Western Visayas nga may madamo nga tourist arrivals sa diin nagapanguna ang Aklan kag ginasundan sang Negros Occidental.

Suno kay Marin, ang mga kabanwahanan nga may madamo nga nag-overnight stay amo ang mga masunod;

1. Estancia – 14,393
2. Concepcion – 6,279
3. San Joaquin – 5,701
4. New Lucena – 5,290
5. Leganes – 5,170

Samtang sa bahin naman sang mga same day visitors, yari ang lima ka mga kabanwahanan;

1. Dumangas – 72,082
2. Carles – 37,286
3. Concepcion – 31,777
4. Pototan – 29,151
5. Passi City – 26,646

Apang indi manigar nga bangud sa pandemya, dako man ang nadula sa probinsya sang Iloilo sa diin umpisa sang Marso sang 2020, nagdangat sa P15-billion ang nadula sa turismo.

Nagalaom si Marin nga subong nga 2021, makabawi ang probinsya sa turismo bangud madamo naman sang mga resorts nga nagbukas kag madamo naman sang mga gindugang nga mga amenities.