ILOILO – Nakahanda na ang evacuation center kag mga eskwelahan sa Estancia, Iloilo sa tion nga ginakinahanglan ang pagbakwit sang mga pumuluyo.
Sa interview sang Bombo Radyo kay Mr. Randy Baido, Municipal Disaster Risk Reduction and Management Council (MDRRMC) Officer, iya ginpahayag nga madugay na sila nagaumpisa sa pagpanghanda sa pag-abot ni Bagyo Tisoy.
Malayo man ang banwa sa direkta nga igu sang bagyo, apang suno kay Baido, mas maayo gid ang alerto, rason nga nakasapol na ang ila pamunuan kag iban pa nga ahensya kaangot sa posible matuga nga emerhensya.
Suspendido man ang byahe sang mga pump boat kag fast craft santu man sa mandato sang Philippine Coast Guard (PCG).
Nahibaluan nga sang nagligad nga adlaw, may yara man sang mga pasahero nga na-stranded sa ila byahe.
Yara sa typhoon signal number 2 ang banwa sang Estancia.
