Patay ang isa ka Grade 9 nga estudyante matapos ginbuno sang iya 14-anyos nga classmate sa sulod mismo sang Las Piñas National High School subong lang nga hapon, Hulyo 31.
Suno sa Southern Police District, gindeklarar nga patay ang 13-anyos nga biktima alas-4:53 sang hapon matapos mabun-an sang kutsilyo.
Suno kay Las Piñas Acting Police Chief Fermin Armendarez III, nag-umpisa ang insidente matapos ang pagbaisay sang duha. Pagkatapos sini, gulpi nga naggabot sang kutsilyo ang suspek kag ginbuno ang biktima.
“Nagkaroon sila ng heated argument then, suddenly, bumunot ‘yong suspek ng (kutsilyo) at sinaksak ‘yong biktima,” suno sa hepe.
Igatugyan ang suspek sa City Social Welfare Office agud matatap kag mahatagan sang intervention santo sa nagakaigo nga pamaagi para sa isa ka menor de edad.
Padayon pa ang imbestigasyon sang kapulisan agud mahibaluan ang sirkumstansya sa amo nga insidente.
