All-set na ang Pinoy boxer nga si Eumir Marcial para sa sambuwa sini batok kay Thoedsak Sinam sang Thailand sa Ninoy Aquino Stadium sa Marso 23.
Halin sang nakabalik si Marcial gikan sa duha ka bulan nga training sa Las Vegas, Nevada, todo-hanas man ini gihapon sa Tagaytay Combat Sports Center agud nga preparahan ang iya away.
Pati ang ila nga boxing fight ang makabig man nga preparasyon para kay Marcial para sa nagahilapit nga Paris Olympics.
Wala nagakumpyansa si Marcial bangud may 24 ka daog kag 19 knockouts man ang iya kasumpong nga boksingero.
Daku man ang pagpati sini nga nakabulig gid ang iya lain-lain nga sparring partners sa Amerika agud nga handaan ang Olympiada.
Excited man si Marcial nga masaksihan gid sang Filipino boxing fans ang iya nga away sa masunod nga inadlaw.
Kasunod sining pro-fight sa Manila, full blast na ang preparasyon ni Marcial para lagson ang iya handum nga makuha ang Olympic gold sa Paris nga tatlo ka tuig halin sang nakuha sini ang bronze medal sa Tokyo Olympics.#
