Nangin matunog liwat ang pangalan sang Filipino Olympian nga si Eumir Marcial indi bangud sa pagdaog sa boksing kundi bangud sa akusasyon sang iya asawa nga nagluib ini sa ila pag-asawahay kag nangin abusado.
Sa ginpaguwa nga official statement ni Princess Marcial, ginsiling sini nga dal-on sini sa korte ang iya akusasyon kag ipasa man ang mga ebidensya sa ginaalegar nga “love affair” sang iya bana.
Ginsaysay sini nga nadakpan mismo niya sa akto si Eumir kag iya ‘other woman’ nga nagahingalan kay Jessa Santos sa isa ka condominium sa Pasay City sang Oktubre 2024 ukon pagkatapos mismo sang Paris Olympics.
Sang amo nga tion, si Eumir kag ang mistress ang na-detain gid sa sulod sang lima ka adlaw apang ginhilway ang boksidor sang nagpirma si Princess sang affidavit of desistance nga i-withdraw ang complaint sa paglaom nga makaayo pa ang ila pag-asawahay.
Apang suno sa asawa, apisar sang tyansa nga iya ginhatag, naglala ang sitwasyon bangud nagsaylo pa gid si Eumir kag iya mistress sa Zamboanga kag didto may ginpatindog nga balay gamit ang kuwarta nga sinuptan nanday Eumir kag Princess.
“Little did I know that what started as a small act quickly grew to a sickening love affair with his young mistress from his hometown in Zamboanga City. Currently, I’ve managed to maintain some correspondence with some of our mutual and trusted friends in Zamboanga City where they alluded that Eumir and his mistress have decided to live together. Apparently, he withdrew all our savings and used the money to construct a house for him and his mistress in Zamboanga. I also have friends who have personally seen them together,” kabahin sang statement.
Ginbuyagyag man ni Princess nga may mga pamahog nga ginbuy-an si Eumir kaangay sang pahayag nga wala sang makuha si Princess pananglitan magseparar sila nga duha.
“As some of you may also know, I have been Eumir’s brand manager for the longest time, sacrificing my career to help build his. With this, I have also received active threats from Eumir saying he will ensure that I can no longer step in America nor get anything from our separation,” suno pa sa iya Facebook post.
Dugang pa sang asawa, gin-utod na sini ang tanan nga sources sang komunikasyon sa tunga nila matapos ang trauma, manipulasyon, emotional stress, physical abuse, kag psychological torment nga iya ginsusprer.
“Our marriage means a lot to me, because it has divine blessing guided by the knowledge that it is also the foundation of every family. How Eumir disrespected his vows to God and to me by cheating on me and continuously deceiving me had hurt me in unimaginable ways. I don’t think I can ever survive the pain, but my hope is that by speaking up, and in a way help other women who may have been suffering in silence, would give me the strength to continue in fighting for what is right in front of God who stood as a witness to our marriage. I’ll leave it up to God’s hands to see that true and righteous justice be served to Eumir and his mistress.”
Wala na gindetalye ni Princess ang iban pa nga natabo bangud ipasaka man ini nga reklamo sa korte, apang ginplastar niya nga ginsapubliko niya ang hitabo para sa iya safety amo man sang iya pamilya kag mga testigo batok sa Pinoy boxer.
Isa man si Princess ka former amateur boxing national champion, anak ni former Cagayan de Oro boxing trainer kag international referee Reynaldo Galarpe, kag siya man ang nagatindog nga brand manager ni Eumir.
2021 sang ginkasal sila nga duha nga amo man ang tuig kun san-o nadag-an ni Marcial ang bronze medal sa Tokyo Olympics.
Antes sila nagpasakal, siyam ka tuig na sila nga magkarelasyon.
Sang nalutos si Eumir sa imbukada nga hampang sini sa men’s light heavyweight category sa Paris Games sang 2024, matandaan nga updanay pa sila ni Princess kag gindayaw pa ang ila relasyon bangud sa pagpaumpaw sang asawa samtang emosyonal ang boksidor.
Nagsulod sa professional boxing si Eumir sang 2020 kag subong naga-uyat sang 5-0 win-loss record.
