Padayon ang pagpaninguha sang mga rescue teams nga makita pa ang mga survivors sa baha nga nagluntad sa western Europe sa diin naglab-ot na sa masobra 150 ka tawo ang patay.
Suno sa mga eksperto, tuga sang global warming ang pagbubo sang mamunog nga ulan nga nangin rason sang pagbaha.
Ginabasol man sang mga European leaders ang climate change.
Suno kay German President Frank-Walter Steinmeier, ginkakibot niya ang natabo nga halit tuga sang pagbaha sa pungsod sa diin madamo sang mga tawo ang nadulaan sang ila himata kag mangin propedad.
Sa pihak sang nagapadayon nga rescue efforts, may mga tawo sa gihapon nga nagagguwa kag nagalibot sa lugar agud malantaw ang mga nagkalaguba nga mga buildings kag salakyan nga nagakala-anod.
Apang nagpanawagan ang otoridad nga likawan ang paglibot sa mga disaster areas.
