Ginpanginwala ni former Bangsamoro parliament member Edrieza Hadji Nasser Rimbang ang alegasyon sa iya may kaangtanan sa attempted smuggling nga nagabalor P3.5 bilyon nga illegal drugs nga pagadal-un tani sa Pilipinas gikan sa Laos.
“Wala po itong katotohanan (there is no truth to this),” pahayag ni Rimbang sa iya social media post.
“‘Yung sinasabi po nila na [nag] import po tayo nung sa Laos, hindi po totoo ‘yun. Wala po akong nakausap na any government dito sa Pilipinas o mga tao dito sa Pilipinas para magpunta sa Laos o magdala dito ng kahit anong bagay na makakasira sa ating bansa,” dugang pa niya.
Nahibaluan nga ginakabig ni Interior Secretary Jonvic Remulla si Rimbang nga may ara sang kahilabtanan sa nasambit nga smuggling.
Suno kay Remulla, isa sa mga financier sang bug-os nga operasyon ang nasambit nga former Bangsamoro parliament member.
