Nakaluwas ang isa ka former board member sang Maguindanao del Sur matapos ini nga gin-ambush sa Tacurong City, Sultan Kudarat.
Base sa impormasyon, nagsakay ang 51-anyos nga si Datu Flank Mlok sa iya bullet-proof SUV nga Toyota Fortuner sa Barangay New Carmen sang ginpalukpan ini sang mga lalaki nga sakay sa motorsiklo.
Nakabalos ang anay opisyal kag gintiro ang mga suspek kun sa diin, base sa nakakita, naigo sang bala ang isa sa mga nagtiro kay Mlok.
Nagapadayon pa ang imbestigasyon agud matumod ang mga tawo nga nagtuyo nga patyon ang anay opisyal.
