[TRIGGER WARNING: The following report contains references to suicide]
Nasapwan nga patay ang modelo nga si Ivan Cezar Ronquillo, ex-boyfriend sang napatay nga Vivamax artist nga si Gina Lima.
Suno sa otoridad, may nabaton sila nga report nga nagpanginmatay si Ronquillo. Gindala pa ini sa ospital kag gin-revive apang ginbawian gid sang kabuhi.
Matandaan nga sang nagligad nga adlaw, gindala man ni Ronquillo ang iya ex-girlfriend nga si Lima sa ospital apang gindeklarar man nga dead on arrival.
Suno sa kapulisan, sa inisyal nga report, cardiorespiratory distress ang ginkamatay ni Lima apang may alegasyon nga nagaangot kay Ronquillo sa amo nga insidente.
Base anay sa testimoniya sang ex-boyfriend, ginpulihan pa siya sang mga abyan sang late actress rason kun ngaa may mga kinarusan sa iya nawong.
Natalana pa nga ipagwa ang autopsy result para sa bangkay sang ex-girlfriend agud matumod kun may foul play.
(If you or someone you know is struggling with thoughts of self-harm, help is available. Contact the National Center for Mental Health Crisis Hotline at +63 917 899 8727 and 7989 8727.)
