ILOILO CITY – Nagpaguwa na sang arrest warrant ang korte batok sa isa ka high value target sa probinsiya sang Iloilo.
Ang arrest warrant batok kay Ernesto Bolivar Jr. ang ginpaguwa ni Judge Domingo Casiple Jr. sang Branch 68 sang Regional Trial Court bangud sa ginapangatubang nga kaso may kaangtanan sa iligal nga droga.
Si Bolivar ang anay punong barangay sang Guinacas, Pototan Iloilo apang sa karon lider na sang kaugalingon sini nga grupo nga Bolivar Drug Group.
Sang nakaligad nga tuig, nakapalagyo ini sa buy bust operation sang mga otoridad.
Ginapahayag nga nagakuha sang supply si Bolivar sa duha ka dalagko nga grupo nga Odicta kag Prevendido Drug Group.
Apang matapos napatay ang drug lord nga si Melvin Odicta Sr., mas nangin aktibo ang operasyon sang grupo ni Bolivar.