Natalana nga magbalik sa ring si anay two-division champion Marlon Tapales matapos nalutos sa kamot ni pound-for-pound Japanese star Naoya Inoue.
Ang balantayan nga hampang sang Pinoy pride ang naka-schedule sa Mayo 10 sa Manila kun sa diin atubangon sini si anay World Boxing Association (WBA) Asia bantamweight champion Nattapong Jankaew sa 10 round-bout para sa World Boxing Council (WBC) Asia Continental super bantamweight title.
Ang 32-anyos nga si Tapales ukon kilala nga “The Nightmare” nga anay WBA kag International Boxing Federation (IBF) super bantamweight world champion ang nagauyat sang 37-4-0 win-loss-draw card sa iya nga professional boxing career.
Ang kasumpong naman sini nga Thai, 27, ang may 12-3 record sa 15 ka professional bouts.
Disyembre sang natumba si Tapales sang nag-atubangay sila ni Inoue nga amo man ang ginakabig pinakadaku nga sambuwa sa iya karera sa boksing. Duha ka beses siya nga natumba sa ikaapat nga round apang wala na gid nakabangon sang natumba pa liwat sa ika-napulo nga round.#
