Liwat nga maga-atubang sa isa ka panibag-o nga ‘arraignment’ si anay Negros Oriental Representative Arnolfo ‘Arnie’ Teves Jr. tuhoy sa kaso batok sa iya.
Sa ginpaguwa nga dokumento sang Manila Regional Trial Court Branch 15 nga ginpakigbahin sang iya legal counsel nga si Atty. Ferdinand Topacio, kun sa diin nakabutang ang schedule sang pagbas sang sakdal para kay Teves.
Madumduman nga gin-schedule kuntano ang amo nga pagbasa sang Hunyo 9, 2025, apang ini ang ginsaylo sa Hunyo 19.
Ginpahayag nga gin-reschedule ang arraignment bangud ‘unavailable’ ang mga witness sang prosekusyon nagligad nga petsa.
Ginalauman nga atubangon ni Teves ang kaso nga may kaangtanan sa krimen nga pagpatay ukon “murder”, upod pa ang pila niya ka kaupod nga ginapangatubang man sang kapareho nga mga akusasyon.
