ILOILO CITY – Balik presuhan ang isa ka lalaki matapos liwat nga nadakpan sa drug-buy bust operation sa Barangay South Baluarte, Molo, Iloilo City.
Ang arestado amo si Alexander Alba, 50, ginakabig nga high value individual, isa ka construction worker kag residente sang nasambit nga lugar.
Nakuha kay Alba ang ginabanta 18 grams sang droga nga may standard drug price nga P122,400.
Sa interview sang Bombo Radyo kay Police Captain Val Cambel, team leader sang Iloilo City Drug Enforcement Unit, iya gin pahayag nga masobra duha ka semana mga gina-monitor si Alba antes ang madinalag-on nga operasyon.
Dugang pa niya, sa syudad sang Iloilo lamang ang source ni Alba.
Kun mag-order ini, ginapadala lang sa ila balay ang item kag gina-repack niya.
Dugang pa ni Cambel, pigado si Alba rason nga nagabaligya ini sang droga.
Sa subong, yara na sa paghinakop sang Molo Police Station ang arestado kag mapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.
