LAPUZ, ILOILO CITY – Liwat nga nadakpan ang ex-convict sa drug buy-bust operation sa Barangay Loboc, Lapuz, Iloilo City.
Ang subject amo si Russel Ledonio, 41, isa ka dispatcher, kasado, kag residente sa Distrito sang Jaro.
Sa interview sang Bombo Radyo kay Police Captain Marlon Perez, hepe sang La Paz Police Station, iya ginpahayag nga anay na napreso ang subject sang 2010 sa sulod sang pulo ka tuig bangud man sa amo nga kaso apang nakaguwa bangud sa plea bargaining agreement.
Suno kay Perez, ang subject ang nagaserbe bilang isa ka runner kag may nagasugo sa lang iya agud mag-transact sang iligal nga druga paagi sa g-cash application.
Ginpahayag man sang hepe nga mabaligya ang subject sang iligal nga druga bangud may contact ini kay alyas Koykoy nga isa ka preso sang Bureau of Jail Management and Penology Ungka (BJMP).
Gin-athag man sang natungdan nga wala sang iligal nga druga sa amo nga pasilidad sa diin komunikasyon lamang sa preso ang ginagamit sang subject.
Nakuha sa ex-convict ang 14 sachets ka mga suspected shabu nga nagabug-at sang 21 grams, kag may street value nga P142,000.
