Nakuhaan sang pusil, bala kag iligal nga droga ang 42 anyos nga lalaki nga ginluthang patay sa Lapuz, Iloilo City mga als 2:00 subong nga kaagahon.
Ang biktima amu si Relly Boy Pahitamos kag residente sang Barangay Ticud, Lapaz, Iloilo City.
Nahibalu-an nga ini ang gindeklara nga dead on arrival sa ospital.
Sa interview sang Bombo Radyo kay PMaj. Jose Val Ladublan, narekober kay Pahitamos ang 38 cal. revolver, anom ka live ammunition, pito ka sachet sang suspected shabu nga nasulod sa mentos canister kag 11,350 cash money.
Suno kat Ladublan, una na nga napreso ang biktima sang ini ang nangin subject sa drug buy bust operation sang 2016.
Nakaagum sang anom ka igu sa nagkalain-lain nga parte sang lawas ang amu nga persona.
Padayon ang imbestigasyon sang mga pulis angut sa suspek ukon mga suspek sa pagluthang patay kay Pahitamos.
