ILOILO CITY – Patay ang isa ka ex-convict matapos ginluthang sang ginapahayag motorcycle riding criminal sa Brgy. Taal, Molo, Iloilo City.
Ang biktima amo si Robert Isobal, 43, sang Brgy. East Timawa, Molo, Iloilo City.
Sa interview sang Bombo Radyo kay Police Chief Master Sergeant Cesar Salcedo, imbestigador sang Molo Police Station, iya ginpahayag nga may naglabay nga motorsiklo sakay ang lalaki, nagpanaog, ginpalapitan kag gintiro ang biktima nga nagapanghimos sang talaba.
Ginabanta tatlo tubtob apat ka lupok ang nabatian sang mga pumuluyo sa lugar.
Nakaangkon ang biktima sang apat kaigo sa nagkalain-lain nga bahin sang iya lawas.
May duha naman ka mga nakit-an nga empty shells sang ginapatihan caliber 45 sa crime scene.
Nahibaluan nga bag-o lamang nakaguwa sa presuhan si Isobal bangud sa kaso may kaangtanan sa illegal drugs.
