MANILA – Ginkumpirma sa Bombo Radyo Iloilo ni anay Department of Foreign Affairs Secretary Perfecto “Jun” Yasay Jr. nga gindakop siya sang otoridad.
Sa interview sang Bombo Radyo kay Yasay, iya ginpahayag nga yara siya subong sa Manila Police District Headquarters sa UN Avenue, Ermita, Manila.
Suno kay Yasay, gindakop siya sa iya balay paagi sa arrest warrant nga ginpaguwa sang Manila Regional Trial Court Branch 10 may kaangtanan sa criminal charges nga ginhimu sang mga opisyal sang Banco Filipino sang 2003 tubtub 2006.
Ginpahayag ni Yasay nga nangin katapo lamang siya sang nasambit nga bangko sang tuig 2009.
Ginpanindugan man sang anay tiglikum nga indi siya magbayad sang piyansa tubtub nga indi siya pag-ipatawag sang hukom may kaangtanan sa pagdakop sa iya.
Magapangatubang si Yasay sang paglapas sa Republic Acts 8791 kag 7653 ukon ang General Banking Law kag New Central Bank Act.
Nahibalu-an nga si Yasay nagserbe nga tiglikum sang Department of Foreign Affairs sang 2016 tubtub 2017.
Samtang santo naman sa records sang kaso, sang 2001 tubtub 2009, ginapahayag nga si Yasay kaupod ang 5 ka associates sa Banco Filipino Savings and Mortgages Bank ang naghimbunanay agud nga makakuha sang P350,000 million paagi sa loan/credit in accomodation kabaylo sang pagpatigayon nga maka-angkon ang Tierrasud Incorporated sang real properties nga ginapanag-iyahan sang Tropical Land Corporation.
Sang natigayon ang loan, napaslawan ang mga akusado nga ipahibalo sa Bangko Sentral ng Pilipinas ang tuhoy sa loan bisan pa nga may yara sang report of examination nga ginpadala sa mga natungdan.
Samtang santo naman sa records sang kaso, sang 2001 tubtub 2009, ginapahayag nga si Yasay kaupod ang 5 ka associates sa Banco Filipino Savings and Mortgages Bank ang naghimbunanay agud nga makakuha sang P350,000 million paagi sa loan/credit in accomodation kabaylo sang pagpatigayon nga maka-angkon ang Tierrasud Incorporated sang real properties nga ginapanag-iyahan sang Tropical Land Corporation.
Sang natigayon ang loan, napaslawan ang mga akusado nga ipahibalo sa Bangko Sentral ng Pilipinas ang tuhoy diri bisan pa nga may yara sang report of examination nga ginpadala sa mga natungdan.
