ILOILO—
Ginkadlawan lang ni anay Department of Interior and Local Government Secretary Mar Roxas ang pahayag ni Presidente Rodrigo Duterte nga siya ang nagpa-ambush kay anay Daanbantayan, Cebu Mayor Vicente Loot.
Sa interview sang Bombo Radyo kay Roxas, iya ginpahayag nga wala na sang bag-o sa mga pahayag sang Presidente kun sa diin indi mapat-ud kun ano ang matuod kag indi.
Suno kay Roxas, daw ginlimpyo ni Duterte ang iya nga pangalan sa nangin pag-ako niya sa pag-ambush kay Loot nga ginbawi sa ulihi ni Presidential Spokesperson Salvador Panelo kag gin-athag nga sala lang ang paghangop sang publiko.
Ginpahayag ni Roxas nga maathag nga wala siya sang kahilabtanan sa krimen indi kaangay sa nauna nga pahayag sang Presidente.
