ILOILO CITY – Ginpakamalaot ni Volunteers Against Crime and Corruption (VACC) chairman Dante Jimenez si anay Health Secretary Esperanza Cabral sa panawagan sini nga untaton sang Public Attorney’s Office (PAO) ang imbestigasyon sa mga kabataan nga ginapahayag napatay bangud sa Dengvaxia vaccine.
Sa interview sang Bombo Radyo Iloilo, ginpahayag ni Jimenez nga luyag lang hinabunan ni Cabral ang kontrobersiya.
Suno kay Jimenez, sa ila nga pagpangusisa, may kaangtanan si Cabral sa Sanofi Pasteur nga amo ang manufacturer sang Dengvaxia vaccine, sa Zuellig Pharma kag nangin consultant sadto ni anay Health Secretary Janette Garin.
Ginkuwestyon man sang VACC kun nga-a subong lang nagtuhaw si Cabral.
Ginpanindugan naman ni Jimenez nga padayunon ang imbestigasyon sa mga bata nga ginapatihan nabiktima sang Dengvaia kag indi magpadala-dala sa panawagan ni Cabral.