ILOILO CITY – Wala malingkang si anay Health Secretary Esperanza Cabral sa posibilidad nga kasuhan ini bangud sang panawagan nga untaton na sang Public Attorney’s Office (PAO) ang imbestigasyon sa mga kabataan nga ginapahayag napatay bangud sa Dengvaxia vaccines.
Sa interview sang Bombo Radyo Iloilo, ginpahayag ni Cabral nga lauman na ang pagdepensa sang PAO sa kaugalingon sini nga imbestigasyon.
Apang dako na ang halit suno kay Cabral nga natuga sang ginakabig sini sensationalism, misinformation kag fraud nga ginahimo sang imbestigasyon sang PAO.
Mas makapaayo suno sa DoH chief nga dal-on sa korte ang isyu bangud diri mahibaluan kun sin-o ang dapat patihan.
Una na ginpahayag ni Cabral nga bangud sang sala nga impormasyon naapektuhan ang immunization program sang DoH bangud madamo nga mga ginikanan ang nahadlok na nga pabakunahan ang ila kabataan.