ILOILO CITY – Wala sang pondo gikan sa PhilHealth nga gin-divert sa Department of Health (DoH).
Ini ang ginpanindugan ni anay Health Secretary Janette Garin matapos akusaran sang PhilHealth nga responsable sa ginaalegar pag-divert sang P10.6 billion nga pondo.
Paathag ni Garin sa intrview sang Bombo Radyo, sang nagpungko ini bilang Chairman of the Board sang PhilHealth sumugod nga nagpungko siya bilang tiglikom sang Department of Health, naghambal ang ahensiya nga may collectibles ini nga P12 billion nga yara pa sa Department of Budget and Management (DBM).
Ini ang rason suno sa anay tiglikom nga nag-request man sila sang pondo sa DBM.
Apang wala sang may ginhatag ang DBM suno kay Garin bangud wala malab-ot sang PhilHealth ang target collection.
Ang natabo suno kay Garin, wala pa maaprubahan ang Senior Citizen’s Law, gin-gamit na ini kun sa diin madamo nga mga tigulang ang nag-avail sini apisar nga wala pa sang pondo.
Madamo man sang fraud nga natabo suno kay Garin, nga ginbayaran sang PhilHealth.
Nagapangita lang suno kay Garin sang balasulon ang PhilHealth agud mahinabunan ang anomalya nga nagakatabo sa ahensiya bangud nga gina-usisa na ang pondo sini rason nga siya ang ginahimo nga “scapegoat”.