Ginkumpirma ni anay Department of Public Works and Highways (DPWH) secretary Rogelio Singson nga gintanyagan siya sang Malacañang sang trabaho nga magbalik bilang tiglikom sag ahensya.
Suno kay Singson, nakabaton siya sang offer, apang ginbalibaran niya ini para man sa iya nga pamilya, mga personal nga rason amo man para sa seguridad.
Pahayag sini, madugay na sila nga naga-istoryahanay sang chief executive kaangot sa Integrated Water Resources Management Program sang administrasyon. Sa pihak sini, nangindi ang former DPWH nga magbalik bilang head sang government agency bangud indi ini gusto sang iya asawa.
“Definitely, may feelers. The President and I go a long way when he was still a governor and then he became a senator,” suno kay Singson. “We’ve known each other in quite a lot of projects so hindi naman stranger. I’m not stranger to the President… I think that’s far-fetched because my wife will leave me already if I go back to government.
Nagserbe si Singson nga DPWH Secretary sang Hulyo 2010-Hunyo 2016 sa idalom sang administrasyon ni anay President Benigno Simeon “Noynoy” Aquino III.
Nauna naman nga ginpahayag ni incumbent DPWH Secretary Manuel Bonoan nga ginatugyan niya ang desisyon kay President Ferdinand “Bongbong” Marcos Jr. kun kinahanglan niya nga mag-leave sa tunga sang mga imbestigasyon sa ginaalegar kurapsyon sa mga flood control projects.
Sa iya nga State of the Nation Address (SONA), matandaan nga nagpaandam si Marcos nga pangkasuhan ang mga madakpan nga involved sa ma-anomaliya nga flood-control projects nga amo subong ang ginakasakuan niya kag personal nga gina-inspeksyon.
