ILOILO CITY – Gin-ako ni anay Department of Health (DOH) Sec. Jannette Garin nga may indi pag-intyindihanay sa tunga nila ni anay Sec. Paulyn Jean Ubial.
Sa interview sang Bombo Radyo kay Garin, iya ginpahayag nga may away sila ni Ubial rason sang pag-umid sang anay tiglikom sa iya bana nga si Iloilo First District Rep. Richard Garin sa kontrobersiya sang Dengvaxia vaccines.
Paathag ni Garin, nag-ugat ang ila away tuhoy sa manubo nga rating nga iya ginhatag kay Ubial.
Ginlimitahan man ni Garin ang mga biyahe ni Ubial sang iya pagpungko bilang tiglikom sang DoH.
Suno sa anay tiglikom, pala-ligoy nga opisyal si Ubial apang indi mahambalan gani ila na lang ginpabay-an.
Dugang pa ni Garin, kun hatagan sang assignment, masami nga indi ini matapos ni Ubial.
Makaluluoy lang suno kay Garin si Ubial bangud indi pa maka-move on sa pagbasura sang Commission on Appointments sa appointment sini.