JANIUAY, ILOILO – Ginakabig ni anay Janiuay, Iloilo Mayor kag subong Mayor elect Frankie Locsin nga pinakamabudlay nga eleksyon ang May 13 midterm elections nga iya naagyan sa bug-os nga political career.
Ini matapos nga nagdaug si Locsin batok sa iya tatlo ka mga kasumpong sa pagka-alkalde sa nasambit nga banwa.
Sa interview sang Bombo Radyo kay Locsin, iya ginpahayag nga napamatud-an niya sa mga kasumpong sa pulitika nga mas nahamut-an siya sang mga pumuluyo.
Ginpahayag man ni Locsin nga normal lamang sa tion sang eleksyon nga nagahabuyanay sang isyu ang mga pulitiko apang ang ginapatu-pato sa iya nga kontrobersiya ang indi niya maagwantahan.
Sa pihak sang disqualification case kag iban pa nga kontrobersiya nga iya ginakaulamiran, ‘life must go on’ suno sa natungdan kag iya pa nga ginpasalamatan ang mga nagapatu-pato sa iya.
Ini bangud nga sa baylo nga gub-on ang iya kandidatura, ginpahayag ni Locsin nga nagdamu pa ang nagsimpatiya sa iya nga mga pumuluyo.
Tinguhaan man niya nga mapa-uswag ang Janiuay sa iya termino bilang alkalde.
Yari pamati-an ang pahayag ni Locsin matapos ang iya kadalag-an sa pulitika:
May mensahe man si Locsin tuhoy sa iya ginakaulamiran nga kontrobersiya kag sa iya mga kasumpong sa pulitika, yari ang iya nga pagpahayag:
Samtang, yari ang mensahe ni Locsin sa mga pumuluyo sang Janiuay:
