Gin-athag sang isa ka Bombo Abugado nga may salabton sa gihapon sa layi si former Iloilo City Mayor Jed Patrick Mabilog may kaangtanan sa mga nakit-an nga iregularidad nga nasaad sa findings sang Commission on Audit.
Nalakip sa natribukaho ang audit findings sa Iloilo City Government sang mga transaksyon sang 2014 kag 2015.
Sang 2014, nadiskubrehan nga may audit disallowance nga kapin P1 million nga nangin final kag executory apang wala ini narecord sa books of accounts.
Nakit-an man nga sang 2015, may yara sang disbursement nga nagabalor sang P39.7 million apang indi suportado sang kompleto nga documentation.
Base sa report sang COA, pareho nga naglapas sa Government Accounting System for Local Government Units ang nakit-an nga mga irregularidad.
Sa interview sang Bombo Radyo kay Atty. Noel Palomado nga legal officer man anay sang Commission on Audit, iya ginpahayag nga apisar madugay na ini kag wala na sa pwesto ang accountable official, kinahanglan gihapon nga mapasa ang mga dokumento agud ma-justify ang nakit-an nga irregularidad ka maklaro.
Suno kay Palomado, kun wala sang may mapasa nga dokumento, obligado ang accountable official nga bayaran ini.
Ginplastar naman ni Palomado nga mahimo magamit ni Mabilog ang inordinate delay bilang ground nga ipa- dismiss ang ano man nga kaso nga ipasaka batok sa iya sa rason nga ginalapas sini ang kinamatarung niya sa madasig nga disposisyon sang kaso.
