ILOILO CITY – Nakapalagyo ang anay alkalde sang banwa sang Sara, Iloilo nga ginserbihan sang bench warrant sang mga otoridad bangud sa kaso nga graft.
Ginserbe sang Provincial Criminal Investigation and Detection Group (CIDG) ang warrant nga ginpaguwa sang Sandiganbayan batok kay anay Mayor Neptali Salcedo may kaangtanan sa kaso nga graft kag malversation nga ginpasaka ni anay Iloilo Fifth District Rep. Niel Tupas Jr.
Ginpaaresto sang Sandiganbayan si Salcedo bangud sa kapaslawan nga magtambong sa hearing sang anti-graft court.
Apang ginpahayag sa Bombo Radyo ni Insp. Pedro Celino sang provincial CIDG nga wala nila maabtan ang anay alkalde sa puluy-an sini.
Suno sa pamilya Salcedo, wala sa ila puluy-an ang anay alkalde nga karon ginakabig na nga at large.