Magabalik si anay Miss Universe Organization president Paula Shugart sa pageant scene paagi sa pagpungko bilang judge sa Miss Cosmo International 2024.
Gin-anunsyo sang international pageant ang partisipasyon sini paagi sa pag-cite sa iya impressive career pareho sa beauty pageant kag television production.
Magluwas sa shows sa major networks kaangay sang ABC, NBC, MTV, kag Columbia Pictures, miyembro man si Paula sang Director’s Guild of America kag Producers Guild of America.
Nakabaton siya sang Medal of Merit for Achievement in Entertainment and Television Production kag commissioner sang Latin Media and Entertainment Commission sa New York City.
Matandaan nga nagpanaog sa pwesto si Paula sang Nobyembre kadungan sang preliminary competition sang 72nd Miss Universe pageant sa El Salvador.
Kun balikan, nag-upod siya sang 1998 bilang vice president sang production sa Miss Universe organization kag tatlo ka tuig ang nagligad, siya ang nangin presidente. Gin-uyatan niya ang entire business operations kag ginpangunahan ang production sang tuigan nga live global telecast.
Patigayunon ang Miss Cosmo 2024 pageant sa September 15th to October 5th sa Ho Chi Minh City, Vietnam. Si Ahtisa Manalo amo ang tiglawas sang Pilipinas.
