ILOILO CITY – Nagpaathag ang isa sa mga frontrunner sang Binibining Pilipinas 2018 sa pagpasakop sini sa pageant apisar nga ginkoronahan na bilag Mutya ng Pilipinas 2014.
Sa interview sang Bombo Radyo, ginpahayag ni Eva Psychee Patalinjug nga tumandok sang Lapu-Lapu City, Cebu, wala siya mahatagan sang tiyansa sadto nga magtiglawas sa Pilipinas.
Suno sa 23-year old model-beauty queen, na-timing sadto nga nagpahuway ang Miss Asia Pacific International rason nga wala siya maka-compete kag ginpili nga mag-eskwela.
Sa karon second year Law student na si Patalinjug apang graduate man ini sa kurso nga nursing.
Ginpahayag ni Patalinjug nga gindumdom niya na lang sadto nga para siya sa iban nga pageant stage kag ini amo ang Binibining Pilipinas.
Sa liwat nga pagsabak sa beauty pageant suno kay Patalinjug, gusto niya pamatud-an nga nagakadapat siya magtiglawas sang pungsod sa international stage.
Kun inDi Miss Universe, Miss International ang titulo nga target sang Cebuana beauty queen.
Hiwaton ang coronation sang Binibining Pilipinas 2018 sa March 18 sa Araneta Coliseum.