Nagpanindugan si anay Philippine National Police (PNP) Chief Police General Benjamin Acorda, Jr., nga ginhimo niya ang mga dapat nga buluhaton bilang isa ka pulis kag Pilipino.
Ini ang kasunod man sa pag-angot kay Acorda sa operasyon sang iligal nga Philippine Offshore Gaming Operators (POGO).
“Masasabi ko lang, I love my country and the PNP organization. Kung ano’ng dapat gawin ng isang Pilipino at bilang Police Officer ay ginawa ko.”
Kahapon, nabuyagyag sa Senate hearing nga ginbisita si Acorda sang tuod ni Mayor Alice Guo nga si Wesley Guo.
Kaupod man sa picture ang ginapahayag nobyo ni Alice nga si Sual, Pangasinan Mayor Liseldo Calugay.
Magluwas diri, kaupod man ni Acorda si Michael Yang nga president sang firm nga service provider sang POGO hub nga naangot sa Pharmally executive.
Si Tony ang utod ni Michael Yang nga nagaserbe bilang economic adviser sa idalom sang administrasyon ni former President Rodrigo Duterte.
