Sa pihak sang ginapangatubang nga reklamo nga grave threat sang iya anak nga si Vice President Sara Duterte batok kay President Ferdinand R. Marcos Jr., wala sang kahadlok nga ginpahayag ni anay President Rodrigo Duterte nga mas maayo nga ipapatay ang mga senador nga mabaskog sa survey.
Ini agud makapungko suno sa natungdan ang mga PDP-Laban candidates sa Senado sa eleksyon subong nga tuig.
Ginpahayag ini sang anay Presidente kadungan sang proclamation rally sang PDP-Laban senatorial slate sa Club Filipino, San Juan City kagab-i, Pebrero 13.
Sang amo nga tion, yara man ang kaalyado sini nga si incumbent No. 1 Senator Robinhood Padilla.
“Ngayon, marami kasi sila, ano ang dapat gawin natin? Eh ‘di patayin natin ‘yun mga senador ngayon para mabakante (ang top slots sa senatorial standing). Kung makapatay tayo ng mga 15 senador, eh ‘di pasok na tayong lahat.”
Ang nasambit nga pahayag ang natabo isa ka adlaw matapos ginrekomendar sang National Bureau of Investigation (NBI) ang pagpasaka sang kaso nga grave threat kag inciting to sedition sa Department of Justice (DOJ) bangud sa “kill threat” sang iya anak batok kanday President Ferdinand R. Marcos Jr., First Lady Liza Araneta-Marcos, kag House Speaker Ferdinand Martin Romualdez sang Nobyembre sang nagligad nga tuig.
“Pero kawawa naman. Pero nakakainis kasi, hindi naman lahat. Talking of opportunities, the only way to do it to pasabugin na lang natin ‘yang ano.”
Ang anay Presidente, kaupod ang duha pa ka mga kandidato sa pagka-senador sang PDP-Laban nga sanday Senators Ronald ‘Bato’ dela Rosa kag Christopher ‘Bong’ Go ang sa subong, gina-imbestigaran sang International Criminal Court (ICC) bangud sa crimes against humanity kaangot sa pagpatay sang masobra 6,000 nga ginadudahan drug personalities sa tion sang Duterte administration.
