ILOILO CITY – Gintuad sang National Police Commission (Napolcom) ang rason kun nga-a no show si anay Police Regional Office 6 (PRO-6) director Chief Supt. Bernardo Diaz sa ila ginpatawag nga imbestigasyon.
Sa exclusive interview sang Bombo Radyo kay Allen Camiring, tagpamaba sang Napolcom, ginpahayag sini nga wala nakatambong si Diaz bangud nag-angkon sang depression ang isa sa mga anak sini matapos ginhingadlan ni Presidente Rodrigo Duterte nga involve sa illegal drug trade.
Si Diaz ang gintiglawas sang duha sini ka mga abogado nga naghalin sa Manila.
Samtang, present naman ang walo pa ka mga police officials nga sanday Supt. Louie Garong, Supt. Leo Agpangan, S/Supt. Remus Canieso, S/Supt. Rhoderick Augustus Alba, Supt. Julius Balano, Supt. Giovanni Musico, Supt. Ramil Gallardo kag S/Insp. Jigger Gimeno sa diin nagserbe ang mga ini nga resource persons kag naghatag sang affidavit pabor kay Diaz.
