ILOILO CITY – Natigayon nga makapyansa sa Municipal Trial Court in Cities (MTCC) Branch 8 si anay Provincial Administrator/ Blocktimer Manuel ‘Boy’ Mejorada.
Ini ang may kaangtanan sa iya ginapangatubang nga cyberlibel case.
Sa interview sang Bombo Radyo kay Mejorada, iya ginpahayag nga 12:00 kaina sang udto sang gin-aprobahan ni Hon. Judge Mark Anthony Polunan ang iya bail request.
Ginpahayag ni Mejorada nga balor P52,500 ang iya ginbayaran nga pyansa sa lima ka warrant of arrest.
Sa pihak sang natabo, ginpahayag ni Mejorada nga indi siya mag-untat sa pagbuyagyag sang kamatuoran ilabi na kun kurapsyon sa gobyerno ang pagahambalan.
Luyag man ni Mejorada nga pasakaan sang kaso si Police Major Jonathan Pinuela sang Provincial Special Operations Group, nga amo ang nagpamuno sa pagserbe sang warrant of arrest.
Ini bangud nga suno sa Provincial Administrator, madamu sang paglapas si Pinuela kasubong na lang sang indi pagsuksuk sang uniform, trespassing, indi pagbasa sang miranda rights kag ang pagpahog sa iya.
