ILOILO CITY – Ginpasakaan na sang kaso si anay Punong Barangay Noemi Hablo sang Desamparados, Jaro, Iloilo City kag hinablos sini matapos madakpan sa drug buy-bust operation sa Brgy. Ungka II, Pavia, Iloilo.
Sa interview sang Bombo Radyo kay Police Senior Inspector Kenneth Bermejo, pinuno sang RDEU, paglapas sa Comprehensive Dangerous Drugs Act ang ginpasaka kay Hablo bangud sa pagbaligya kag paghupot sang illegal drugs.
Ang hibalos naman ni Hablo nga si Anton Guirhen ang nagapangatubang sa kaso nga conspiracy kag ini ang non-bailable ukon wala sang piyansa.
Dugang pa ni Bermejo, madugay na nila ginabantayan si Hablo nga nagasaylo-saylo sang lugar sa pagbaligya sang illegal drugs.