Nag-plead nga not guilty sa charges nga illegal possession of explosives sa Manila Regional Trial Court Branch 12 ang ginpahalin nga si anay congressman Arnolfo Teves Jr.
Ini ang iya una nga arraignment kasunod sang liwat nga pag-aresto sa iya kag pag-deport halin sa Timor Leste sang nagligad nga semana.
Nag-abot si Teves sa korte kaina sang 7:18 sang aga nga may suksok nga bulletproof vest kag Kevlar helmet, sa idalom sang hugot nga seguridad sang National Bureau of Investigation (NBI).
Ang arraignment may kaangtanan sa iya kaso sa illegal possession of explosives.
Ang Branch 12 man ang nagauyat sang isa sa mga murder cases nga ginpasaka batok sa iya.
