ILOILO CITY – Ginpanginwala ni anay Iloilo Fifth District Rep. Niel Tupas Jr. ang ginaalegar wala sini mabayaran sa scholarship program sang siya pa ang mamalidha.
Sa interview sang Bombo Radyo Iloilo, ginpahayag sang anay kongresista nga nagabinutig ang iya manghod kag karon Iloilo Fifth District Rep. Raul Tupas.
Suno kay Niel Jr., political propaganda lang sang iya utod ang nasambit nga akusasyon.
Ini matapos ginpahayag sang damlag lang ni Rep. Raul nga wala mabayaran sang magulang sini ang scholarship program sa Northern Iloilo Polytechnic State College.
Apang suno sa anay kongresista, ginauyatan niya ang mga dokumento nga nagapamatuod nga P100 million ang nagkadto sa nasambit nga kolehiyo nagikan sa iya Priority Development Assistance Fund (PDAF).
Suno kay Niel Jr., luyag lamang nga gub-on sang manghod ang iya pangalan.
Samtang, wala naman malingkang si Tupas sa plano sang utod nga ipalab-ot kay Presidente Rodrigo Duterte ang isyu.
Ginpahayag sang anay kongresista nga grandstanding lamang ini sang iya nga manghod.