ILOILO CITY– Pabor ang Executive Assistant for Barangay Affairs sa ginpahayag ni Iloilo City Mayor Jerry Treñas nga pasakaan sang kaso ang mga punong barangay nga wala nakademolish sang mga obstruction sa dalan.
Sa interview sang Bombo Radyo kay Executive Assistant for Barangay Affairs Mr. Boyet Rico, iya ginpahayag nga pabor siya sa luyag matabo ni Mayor Treñas nga pagpasaka sang kaso.
Suno kay Rico, kinahanglan man nga makigbahin sa clearing operations ang mga punong barangay.
Pahayag pa ni Rico, madugay na nila ginapangayo ang kooperasyon sang tagka ka mga punong barangay kag iban pa nga mga opisyales.
Nakahibalo suno kay Rico ang mga natungdan nga may yara sang monitoring team nga nagalibot sa tagsa ka mga barangay agud tan-awun ang pagpatuman sang clearing operations.
Yara na suno kay Rico sa punong barangay ang desisyon kun patihon niya ang mando ukon indi.
Madamo naman sila suno sa iya sang nademolish nga mga barangay halls nga ginakabig naga-obstruct sa mga dalanon.
Nahibaluan nga sa subong suno sa natungdan, may mga kabarangayan pa nga wala nakuha ang pila ka mga estruktura nga may yara sang markings.
