ILOILO – May yara sang pagbag-o sa kaundan sang Executive Order ni Iloilo Gov. Arthur Defensor Jr. may kaangtanan sa pagpatuman sang dugang nga quarantine procedures kag disease prevention and control measures bangud sa Coronavirus Disease 2019 (COVID-19) sa mga barangay, syudad ukon banwa nga ginapaidalom sa Enhanced Community Quarantine.
Nahibalu-an nga umpisa Abril 3, nangin epektibo ang Executive Order 100 nga ginpirmahan ni Defensor kun sa diin lakip sa mga exempted sa travel restrictions amo ang mga masunod:
-Government officials, employees ukon personnel nga may yara sang official travel
-Health Emergency responders kag indibidwal nga may yara sang emerhensya
-Medical and Health personnel ukon Humanitarian workers nga may official travel
-Authorized person nga kinahanglan magpadulong sa mga lugar nga ginapaidalom sa quarantine kag
-Mga indibidwal nga nagahatag sang frontline services kag ang mga naganegosyo sa allowed establishments
Ginapahanugutan man ang carriers, transport vehicles ukon delivery trucks apang kinahanglan nga magsunod sa strict quarantine procedures.
Pahanugutan man nga makapauli ang na-stranded sa mga lugar nga ginpaidalom sa quarantine.
Sa ginpaguwa naman nga Executive Order 100-A, ginadumili-an na nga magpadulong ukon makahalin sa lugar nga may kumirmado nga local transmission sang COVID-19 ang mga indibidwal nga nagahatag sang frontline services kag ang mga naganegosyo sa allowed establishments.
Ang Executive Order 100-A ang epektibo umpisa buwas nga adlaw, Abril 4.
