Ginpa-check ni Iloilo City Mayor Jerry Treñas sa City Council ang mga existing ordinances nga naga-regulate sa paggamit sang boga ukon improvised cannon.
Sa interview sang Bombo Radyo kay Joy Fantilaga, Spokesperson ni Mayor Treñas, iya ginpahayag nga kon wala pa sang ordinansa, iduso sang alkalde nga makahimo agud nga mabuhinan ang mga insidente nga tuga sang boga.
Suno kay Fantilaga, ini kasunod man sang na-record nga pito ka mga firecracker related injuries sa syudad nga nagaangot sa improvised cannon.
Ginpahayag man sini nga apisar sang manubo nga numero sang kaso, kinahanglan sa gihapon nga pabaskugon ang kampanya batok sa iligal nga boga.
Suportado naman sang Committee on Public Safety sang city council ang ginaduso nga review sang ordinansa ni Mayor Treñas.
Suno kay Iloilo City Councilor Sedfrey Cabaluna, chairman sang Committee on Public Safety, iya ginpahayag nga tinutuyo lamang nga mapabilin nga hilway sa kasablagan ang mga residente.
Nagmandu man si Cabaluna sa iya staff nga magsugod na review sang mga orinansa nga posible naga-cover sa iligal nga boga.
