ILOILO CITY – Gamiton sa gihapon sang syudad sang Iloilo ang exit plan apang kinahanglan nga i-adjust agud nga mag santu ini sa guidelines sang Inter Agency Task Force.
Ini matapos nga gin-anunsyar ni Presidential Spokesman Harry Roque nga kabahin ang syudad sang Iloilo sa indi na pagpaidalom sa community quarantine pagkatapos sang Mayo 15.
Sa interview sang Bombo Radyo kay Iloilo City Mayor Jerry Treñas, iya ginpahayag nga nakigsapol na siya kahapon sa COVID team sang syudad kag nakapreparar man ini sa pagsapol kaupod ang nagkalain-lain nga sektor kaangay sang mall kag ospital.
Suno kay Mayor Treñas, kinahanglan handaan sang mga pumuluyo kag local government unit ang pagpapaidalom sang syudad sa new normal.
Apang nagakadapat pahayag sang alkalde nga hangpon sang pumuluyo nga ang coronavirus disease 2019 ang yara sa gihapon gani kinahanglan nga mangin vigilante kag i-obserba ang physical distancing, pagsuksok sang mask, pagpabilin sa sulod balay kag proper hygiene.
