Kinahanglan nga mapasangkad pa sang gobyerno ang pagpatigayon sang COVID-19 testing agud masiguro nga indi na liwat magbalik ang Pilipinas sa Enhanced Community Quarantine.
Suno kay National Economic and Development Authority (NEDA) head Karl Kendrick Chua, katuyuan sang ahensya nga malab-ot ang 32,000 tests kada adlaw agud nga makabulig sa pagnubo sang positivity rate sa 5% panubo.
Pahayag niya, indi lamang ang mga may balatian, Overseas Filipino Workers kag healthcare workers ang kinahanglan nga i-test kundi tanan nga mga Pilipino.
Sa una nga quarter sang 2020, yara lamang sa 0.2 percent ang ekonomiya sang Pilipinas — pinakamanubo sa sulod sang duha ka dekada bangud sa paglupok sang Taal volcano, pagnubo sang turismo kag negosyo bangud sa COVID-19 kag pagpatuman sang ECQ.
