ILOILO CITY – Ginpanindugan sang pila ka kritiko sang Duterte administration nga indi dapat mangin patas ang trato sang Pilipinas sa China kag sa iban nga pungsod sa isyu sang pagpahanugot nga magpatigayon sang exploration ang Beijing sa teritoryo sang Pilipinas.
Kasunod ini sang kumpirmasyon ni Foreign Affairs Secretary Alan Peter Cayetano nga ginpahanugutan ang China nga magpatigayon sang exploration sa Benham Rise santu man sa proseso.
Sa interview sang Bombo Radyo Iloilo, ginpahayag ni Magdalo Rep. Gary Alejano nga dapat hugot nga atensyon ang ihatag sa China.
Ang Beijing lang suno kay Alejano ang may record nga mang-agaw sang teritoryo.
Kinahanglan suno kay Alejano nga magdoble halong ang Pilipinas sa pagtransaksyon sa China.
Apang sa iya nakita, wala sang transparency ang gobyerno sa negosasyon sa Beijing.
Dugang pa ni Alejano, indi dapat makompromiso ang interes sang pungsod apang ang ginhimo nga exploration sang China sa Benham Rise ang may epekto sa national security sang Pilipinas.