ILOILO CITY — Magapatigayon buwas nga adlaw sang site visit ang Explosive Ordnance Disposal and Canine Group sang Philippine National Police sa Barangay Bo. Obrero, Iloilo City.
Sa interview sang Bombo Radyo kay Punong Barangay James Conlu, iya ginpahayag nga pangunahan ni Police Brigadier General Albert Magno ang site visit sa structure nga himuon regional office sang Explosive Ordnance Disposal and Canine Group sa Iloilo.
Suno kay Conlu, sang nahibaluan sini nga nagapangita sang opisina and EOD -Canine Group, gilayon ini nga nagtanyag sang structure agud ini ang ma-utilize kag magamit sang barangay.
Ginpahayag man ni Conlu nga ini na ang mangin opisyal nga opisina sang nasambit nga talatapan kasunod man sang paghatag sang resolusyon sa ila sang city council.
Gin-athag man sang natungdan nga ang opisina ang indi storage para sa mga na-recover nga bomba ukon explosive devices.
Nahibaluan nga ang anay opisina sang EOD ang yara sa Iloilo City Police Office apang tuman ini ka gamay rason nga magutok para sa talatapan.
