Extension sang voters registration, maumpisa na bwas, Oktubre 11-30

Nagpanugyan ang Compliance team sang Iloilo City Government nga indi na paghulaton pa ang katapusan nga adlaw sang voters registration sa Oktubre 30.

Umpisa sa Lunes, Oktubre 11, mahimo na nga makaparehistro humalin las 8 sa aga tubtob las 5 sa hapon.

Wala naman sang registration kada Sabado kag Dominggo nga adlaw magluwas lang sa Oktubre 30 nga amo ang katapusan nga adlaw sang voters registration.

Yari ang mga venues para sa voters registration;

Oktubre 11 tubtob 15 – SM City Iloilo
Oktubre 18 tubtob 22 – Festive Walk Mall
Oktubre 25 tubtob 30 – Robinson’s Place-Iloilo

Sa interview sang Bombo Radyo kay Nestor Canong, Head sang Compliance Team, iya ginpahayag nga kun mahimo, likawan ang pagpadulong sa mga venues nga kaagahon pa bangud 16 ka adlaw man ang gintalana para sa extension.