ILOILO CITY – Wala gihapon makilala ang mga suspek nga nagsunog sa backhoe nga ginapanag-iyahan sang Sargasso Construction Development Corporation sa Barangay Nanga, Guimbal, Iloilo.
Sa interview sang Bombo Radyo kay Police Senior Inspector Antonio Monreal Jr., hepe sang Guimbal Municipal Police Station, iya ginpahayag nga wala sang ihibalo ang kompaniya kun sanday sin-o ang nagsunog sang backhoe.
Matapos ang krimen, ginapahayag nga gilayon nagsakay sa motorsiklo ang duha ka wala makilala nga suspek kag nagpadulong sa direksyon sang Tigbauan ukon diri sa siyudad sang Iloilo.
Suno pa kay Monreal, extortion ang ila ginalantaw nga motibo sa pagsunog sang nasambit nga equipment.