ILOILO CITY — Nagpromisa ang F. Gurrea Construction kay Iloilo City Mayor Jerry Treñas nga hingagawon nila nga matapos ang La Paz Public Market agud nga magamit subong Disyembre.
Sa interview sang Bombo Radyo kay Treñas, iya ginpahayag santo sa pinakaulihi nga timeline sang proyekto, nagalagas na sa nakatalana nga time frame ang paghuman La Paz Public Market.
Suno kay Treñas, apisar nga nadismaya siya sa una niya nga pagbisita sa amo nga proyekto, makita niya subong nga naga-improve na ang pagpatukod sini.
Ginpahayabg man sang alkalde nga santo sa project manager, yara na sa masobra 50% ang completion sang project sa diin, sugod sa Septyembre posible nga mahingagaw na ang phase 2 sang mekado.
Nahibaluan nga P395 million nga project ang sarang makapasulod sang 75 ka mga salakyan kag 20 ka motorsiklo sa parking area nga lakipan sang 422 ka mga stalls.
